Samningaviðræður sem staðið hafa yfir frá árinu 2017 og fjölluðu um sameiginlega lagningur á ljósleiðararörum frá Grundarhverfi á Kjalarnesi að Kiðfelli í Kjós lauk með undirritun samstarfssamnings, að undangenginni samþykkt sveitarstjórnar Kjósahrepps og borgarráðs Reykajvíkur. Þórdís Lóa Þórhallsdóttir, starfandi borgarstjóri og Karl Magnús Kristjánsson oddviti Kjósarhrepps undirrituðu samninginn. Verkefnið er til komið vegna þarfa Kjósarhrepps um tengingu við grunnkerfi ljósleiðara í Grundarhverfi. Þar sem Reykjavíkurborg hyggst fara sömu leið með ljósleiðara í verkefni um ljósleiðaravæðingu dreifbýlis Reykjavíkur skapast samlegðaráhrif, sem væri góður kostur að nýta.
Commentaires